Një 33-vjeçar shqiptar është qëlluar për vdekje nga kunati i tij në Volos të Greqisë.
Sipas mediave greke, autori, një bashkatdhetar 50-vjeçar qëlloi me armë gjahu drejt vëllait të gruas. Pas krimit, është dorëzuar vullnetarisht pranë organeve të policisë, duke rrëfyer krimin që ka kryer.
Sipas deklaratës së dhënë në polici, vajza e 50-vjeçarit është përdhunuar nga 33-vjeçari. 18-vjeçarja, pretendon autori, është përdhunuar në moshën 9-vjeçare nga daja i saj, ndërsa së fundi ai e shantazhonte me publikimin e videove nga abuzimi seksual.
Mediat greke thonë se 50-vjeçari kishte lënë një takim me 33-vjeçarin pak minuta pas mesnatës të së martës në zonën “Asteria” të Agria, me një pretekst të parëndësishëm.
Sipas të njëjtave informacione, kur dy burrat janë takuar, ka pasur një mosmarrëveshje verbale dhe 50-vjeçari ka qëlluar mbi vëllain 33-vjeçar të gruas së tij.
Vrasja ka ndodhur në orën 00:28 pas mesnate dhe sipas informacioneve viktima me banim në Volos ka ndërruar jetë me një plumb të vetëm.
Autoritetet policore kanë vazhduar me konfiskimin e armës së gjahut, ndërsa për viktimën është urdhëruar ekspertiza mjeko-ligjore.
