Gjykata e Shkallës së Parë në Shkodër ka caktuar ndryshimin e masës së sigurisë për Marash Arrajn duke e lënë në “arrest shtëpie”.
Ai akuzohet si autori i vrasjes së kushëririt të tij Lazer Arraj, ndërsa ishte më parë nën masën e sigurisë “arrest me burg” me afat 40 ditë të caktuar nga Gjykata.
I dyshuari Marash Arraj ka mohuar që në fillim akuzën ndaj tij duke thënë se nuk ka asnjë lidhje me vrasjen e kushëririt dhe se nuk ka dijeni se kush e ka vrarë.
55-vjeçari Lazër Arraj (Pjetrushi) u vra me armë zjarri në fshatin Shosh në Dukagjin të Shkodrës.
Ai u qëllua dy herë me armë zjarri, ndërkohë që nuk dihen ende motivet e ngjarjes./ Opinion.al
