Bota

Dyshohet se shkaktoi shpërthimin në Bejrut, çfarë është nitrati amonit


Bëhu pjesë e Grupit Zyrtar të Opinion.al
>> KËTU <<
               Publikuar në : 13:30 - 06/08/20 |
el ida

Shpërthimi në kryeqytetin e Libanit, ishte lajmi kryesor në mediat ndërkombëtare, jo vetëm për bilancin tragjik, por edhe për përmasat vërtet shokuese të valës shkatërruese.

Presidenti i vendit, Michel Aoun, tha se shpërthimi ishte shkaktuar nga 2750 ton nitrat amoni, i depozituar në mënyrë të pasigurt në një magazinë.

Ekspertët pretendojnë se kjo ka ndodhur pas një zjarri që kishte rënë pranë një magazine fishekzjarrësh fare pranë vendngjarjes.

Por çfarë është nitrati amonit?

Nitrati amonit është një substancë kristalore pa erë e cila përdoret kryesisht si pleh. Në bujqësi, fermerët e përdorin me shumicë pasi aplikimi i tij lejon nitrogjenin, një element i rëndësishëm në rritjen e bimëve, që të shpërndahet në tokë.

Substanca nuk është lehtësisht e djegshme por mund të shpërthejë nëse bie në kontakt me një tjetër burim që ndizet lehtë, ose në prani të një nxehtësie të lartë.

Depozitimi i nitratit të amonit shpeshherë vendoset mbi rregulla strikte: si për shembull, larg zjarrit apo burimeve të nxehtësisë dhe larg zonave rezidenciale.

Në shumë vende të Bashkimit Europian kërkohet që nitratit të amonit t’i shtohet bikarbonat kalciumi në mënyrë që të përftohet nitrat amonit me kalcium, një element shumë më i sigurt./Opinion.al

 

Pas