Aleksandër Litvinenko deklaroi se Vladimir Putin ishte kapur në kamera duke bërë seks me djem të rinj, sipas një hetimi rreth vrasjes së spiunit.
Kur presidenti i ardhshëm rus ishte student, shkruajnë mediat e huaja, ishte filmuar duke abuzuar me fëmijë në një banesë ku një politikan tjetër i lartë kishte një “treshe” me prostituta, kishte shkruar Litvinenko një postim të bujshëm në internet.
Ky pretendim ishte regjistruar në raportin hetimor të Sir Robert Owen, si pjesë e një liste të gjatë të akuzave të bëra nga spiuni që u vra pasi ai u arratis nga Rusia dhe u vendos në Britani.
Litvinenko e kishte bërë akuzën pasi presidenti u pa duke e puthur stomakun e një djali pesë vjeçar, gjatë një ecje në Kremlin, në qershor 2006.
Litvinenko kishte thënë se Putin shkatërroi pamjet, në kohën pasi ishte bërë udhëheqës i Shërbimit Sekret Rus – FSB.
Litvinenko ka shkruajtur: “Publiku botëror është i tronditur. Askush nuk mund të kuptoj pse presidenti rus bëri një gjë të tillë të çuditshme, duke e puthur stomakun e një djali të vogël, të panjohur”.
“Pas diplomimit në Institutin Andropovi, i cili përgatit oficerë për shërbimin e zbulimit KGB, Putin nuk u pranua në inteligjencën e huaj. Në vend të kësaj, ai u dërgua në një pozicion të ri në Drejtorinë e KGB së Leningradit”.
“Kjo ishte një kthesë shumë e pazakontë për një të diplomuar në Institutin Andropovi me një gjermanisht të rrjedhshme. Pse kjo kishte ndodhur me Putin?”
“Sepse, pak para diplomimit të tij, shefat e tij mësuan se Putin ishte një pedofil. Kështu thonë disa njerëz që e njihnin Putinin si student në Institut”.
“Shumë vite më vonë, kur Putin u bë drejtor i FSB dhe po përgatitej për presidencën, ai filloi të kërkojë dhe të shkatërrojë çdo material komprometues të mbledhur kundër tij nga shërbimet sekrete gjatë viteve të mëparshme. Nuk ishte e vështirë, pasi që ai vetë ishte drejtor i FSB”.
“Ndër të tjera, Putini kishte gjetur videokaseta në Drejtorinë e Sigurisë së Brendshme të FSB, që tregonin atë duke bërë seks me disa djem të mitur”.
Litvinenko ka vazhduar të lidhë të kaluarën e pretenduar të Putinit pedofil në rastin e Yuri Skuratov, transmeton Telegrafi, një politikani të lartë në Rusi i cili u kap në kamera duke bërë seks me dy prostituta.
Në pjesën tjetër të blog-postit të cituar nga Sir Robert, ai shkroi: “Interesante, video është regjistruar në të njëjtën banesë ku Prokurori i Përgjithshëm, Yuri Skuratov, ishte regjistruar fshehurazi me dy prostituta”.
“Më vonë, Putin (me udhëzimet e Roman Abramovich) kishte shantazhuar Skuratov me këto kaseta dhe u përpoq të bindë Prokurorin e Përgjithshëm për të dhënë dorëheqje”.
“Në këtë bisedë, Putin i ka përmendur Skuratovit se edhe ai vetë ishte regjistruar duke bërë seks në të njëjtin shtrat. (Por sigurisht, ai nuk tha se ishte pedofil).
Sir Robert shkroi në raportin e tij: “Duhet thënë se akuzat e bëra nga Litvinenko kundër Presidentit Putin në këtë artikull kanë qenë të natyrës më serioze. A mund ato të kenë pasur ndonjë lidhje me vdekjen e tij?”.
Kremlini asnjëherë nuk ka komentuar drejtpërdrejt mbi pohimet e bëra nga Litvinenko, transmeton Telegrafi, por dje qeveria ruse hodhi poshtë të gjithë raportin e hetimit si “propagandë perëndimore”.
Duke dhënë dëshmi në hetimin e vitit të kaluar, e veja e Litvinenkos, Marina ka thënë se ajo nuk kishte “asnjë ide” nëse pretendimet për pedofili ishin të vërteta.
Sir Robert arriti në përfundimin se Putin kishte “ndoshta” miratuar “vrasjen” e disidentit, së bashku me kreun aktual të FSB.
Litvinenko vdiq në nëntor të vitit 2006, pas kishte pirë çaj, të cilit i ishte shtuar pakëz polonium radioaktiv gjatë një takimi me Andrei Lugovoi dhe Dmitri Kovtun në një hotel në Londër.
Takimi i Putinit me djalin pesë-vjeçar disa muaj më parë bëri bujë globale, pasi presidenti rus këmbënguli se ajo nuk ishte asgjë më shumë se një gjest i dashurisë.
Djaloshi, i emëruar nga media ruse si Nikita Konkin, kishte thënë madje se kishte refuzuar të pastrohej pasi që Putin e kishte puthur në stomak.
“Unë e pëlqeva dhe ai më pëlqeu”, kishte thënë Nikita. “Dua që edhe unë të bëhem president”, kishte shtuar ai. /Telegrafi/
