Një tender i dhënë nga Qendra e Shërbimit dhe Administrimit të Mjeteve të Transportit, në varësinë e Ministrisë së Brendshme ka ngjallur dyshime pasi ka patur vetëm një konurent në garë. Tenderi në fjalë është dhënë për “Blerje pjesë këmbimi për grup mjetesh në administrim të QSHAMT-së si dhe të njësive shpenzuese të Drejtorisë së Policisë se Shtetit”.
Portali CityNews ka publikuar dokumentet e këtij tenderi, sipas të cilit shpallja e fituesit është bërë me 99.9% të vlerës së fondit limit.
Kështu fondi limit i tenderit në fjalë është 31 645 054 lekë (të reja) pa TVSH. Ndërsa fituesi, kompania “Universal” ofroi 31 280 000 lekë (të reja) pa TVSH. Pra siç duket edhe nga shifrat zyrtare, tenderi është fituar me 99% të vlerës së fondit limit.
Faktet e renditura nga Citynews lindin dyshime se kemi të bëjmë me favorizim të një ofertuesi në tenderin e Ministrisë së Brendshme, të drejtuar nga ministri Saimir Tahiri.
