Pas mbylljes së seancës plenare që zgjati rreth 15 minuta, kreu i Partisë Demokratike, Sali Berisha foli për mediat, duke thënë se kjo ndodh kur “Parlamenti shndërrohet në një bodrum të mafies”.
Kryedemokrati tha se Parlamenti po përdoret si një dyqan privat i partisë së krimit dhe se kjo ishte një ndër seancat më të turpshme.
“Ishte shumë e drejtë që në Parlament qe vijnë bosët e karteleve se këta, se ata janë të vërtet, këta janë shërbëtore të këtyre”, tha Berisha, duke iu referuar deputetëve socialsitë.
“Kësaj i thonë kur Parlamenti shndërrohet në një bodrum të mafies. Nuk respektohet as Kushtetuta, as ligjet. Parlamenti përdoret si një dyqan privat i partisë së krimit dhe kjo ishte një ndër seancat më të turpshme. Kur pas një farse elektorale të paprecedentë, në vend që qytetarët të dëgjonin të gjithë faktet, argumentet e opozitës dhe deputetëve se çfarë ndodhi më 11 maj, këta ja mbathin për disa minuta. Ja shihni. Ishte shumë e drejtë që në Parlament qe vijnë bosët e karteleve se këta, se ata janë të vërtet, këta janë shërbëtore të këtyre. Ajo që duhet të garantoj shqiptarët është që të mbroj kauzën e drejtë të tyre për votën e lirë”, u shpreh Berisha.
