Në Partinë Demokratike, pavarësisht diskutimeve në Grupin Parlamentar kanë rënë dakord unanimisht që të vijojnë me djegien e mandateve. Megjithatë situata duket më shumë në komplikuar në Lëvizjen Socialiste për Integrim.
Opinion.al mëson se brenda LSI janë dy grupe: njëri pro djegies së mandateve dhe tjetri skpetik. Kryetarja Monika Kryemadhi ka nga pas vetes disa deputetë si: Kërpaçi, Gjosha, Braimllari, Mehmetaj, etj të cilët sipas një udhëzimi dalë nga partia kanë bërë dhe postime në rrjetet sociale për këtë çështje. Nga ana tjetër Edmond Haxhinasto ishte sot pjesëmarrës dhe në Komisionin e Ekonomisë.
Për më shumë se 1 orë, Lulzim Basha dhe Monika Kryemadhi kanë biseduar për vendimin e djegies së mandateve të deputetëve. Pas daljes nga selia blu, zonja Kryemadhi tha se: “Informacion do të keni më vonë pas mbledhjes së grupit”. Vendimi zyrtar nga LSI pritet pas mbledhjes së orës 17:00.
LEXO/ Basha: Dorëzojmë mandatet, qeveri tranzitore për zgjedhje të lira
