Pasagjerët e një anije në Itali nuk mund të zbresin, pasi në bordin e saj dyshohet për dy raste me Koronavirus. Anija ka ndaluar në Civitavecchia në Itali, ndërkohë që çifti që dyshohet për virusin e rrezikshëm ndodhen të izoluar në spitalin e bordit të anijes.
Çifti i bashkëshortëve është nga Makau dhe me simptoma si ethe dhe probleme me frymëmarrjen është paraqitur vetëm gruaja 54-vjeçare. Ndonëse bashkëshorti i saj nuk simptoma sërish është izoluar. Mësohet se burrë dhe grua ishin ngjitur në anije në Savona dhe kishin mbërritur në Malpensa më 25 Janar.
Gjatë turit të saj, anija ishte ndalur edhe në Marsejë, Barcelona dhe Palma de Majorka. Për të menaxhuar operacionet brenda portit, kanë ndërhyrë autoritetet italiane. Megjithatë ende nuk kanë mbërritur rezultatet e analizave që do të tregojnë nëse çifti janë vërtet të infektuar me Koronavirus apo jo./Opinion.al/
