Sasi shumë të mëdha droge kapen nga policia shqiptare dhe ajo italiane. Operacioni i parë u zhvillua në Vlorë. Midis fshatrave Vezhdanisht dhe Treblovë janë gjetur 6 kasolle brenda të cilave kishte rreth 2 000 bimë narkotike në proces tharjeje si dhe rreth 5 250 rrënjë bimë narkotike kannabis të mbjella në lugina dhe zona të thella rreth 2 orë larg qendrave të banuara. E gjithë sasia llogaritet në 10 ton.
Janë arrestuar në flagrancë 6 persona: Shkëlqim Koçiaj, 24 vjeç, banues në fshatin Dushkarak, Vlorë, Arjan Hasanaj, 43 vjeç, banues në Vlorë, Klajdi Imeri, 21 vjeç, banuese në Vlorë, Taulant Haxhiraj, 35 vjeç, banues në Vlorë, Albert Aliaj, 53 vjeç, banues në fshatin Drizar, Mallakastër, Xh.B., 18 vjeç, banues në Vlorë. Po kështu u gjetën edhe armë, si: 2 automatikë, 1 pushkë, dhe fishekë. “Po punohet për zbulimin dhe kapjen e autorëve të tjerë të implikuar në këtë veprimtari kriminale”, thotë Policia e cila specifikon se në aksion ishin edhe prokurorët e krimeve të rënda.
Operacioni i dytë u zhvillua në Leçe të Italisë. Një sasi prej 734 kg kanabis e nisur nga Shqipëria u kap në shtetin fqinj. Gomonia me ngarkesën e madhe të drogës (shih fotot) u kap mbrëmjen e djeshme. Janë arrestuar tre shtetas shqiptare me inicialet V. L vjec 49, V. N. Vjec 30 dhe A. L. Vjec 49.
