Policia ka arrestuar një 47-vjeçar pasi akuzohet për “Kultivimi i bimëve narkotike”, e mbetur në tentativë.
Policia informon se Paulin Lleshaj në lagjen 15, Durrës, po përgatiste katin e tretë të banesës së tij për ta përshtatur për kultivim të bimëve narkotike, me anë të ngrohjes me llamba, shërbimet policore organizuan punën dhe ushtruan kontroll në këtë ambjent.
Nga kontrolli i ushtruar në banesën e Lleshaj, punonjësit e Policisë, gjetën dhe sekuestruan në cilësinë e provës materiale, 4800 fara Cannabis Sativa, një sasi lënde narkotike, 23 llamba dhe 22 kondensatorë, si dhe pajisje të tjera që do të shërbenin për kultivimin e kanabisit, me anë të llambave.
Materialet i kaluan Prokurorisë pranë Gjykatës së Rrethit Gjyqësor Durrës.
