Në një takim informal me gazetarët, kreu i SPAK Altin Dumani ka dhënë detaje lidhur me ish-zv.kryeministrin Arben Ahmetaj.
Për Ahmetajn, Altin Dumani ka thënë se nuk kanë të dhëna konkret për vendndodhjen e tij, por kanë verifikuar se kur ai ka dalë nga vendi.
“Dimë kur dhe ku ka dalë nga Shqipëria, çfarë dokumenti ka paraqitur dhe arsye. Së shpejti do kemi zhvillime surprizuese. Gjiknuri është verifikuar në kuadër të hetimeve për Ahmetajn, kjo nuk do të thotë se ka hetim për secilin që del në atë procedim penal”, është shprehur Dumani për gazetarët.
Kujtojmë se ish-zv.kryeministri është shpallur në kërkim ndërkombëtar prej 24 korrikut 2023, pasi akuzohet për “Mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”./Opinion.al
