Një drejtoreshë banke në Tiranë, për të ndihmuar kushëririn e saj të sëmurë, është detyruar të vjedh një sasi të konsiderueshme parash nga filiali i bankës që ajo drejtonte.
Për këtë veprim gjykata e Tiranës e ka dënuar me 2 vite heqje lire.
Ajo ka deklaruar para gjykatës se shumën prej 32.5 milion lekë të vjetra e ka vjedhur për të ndihmuar kushëririn e saj, i cili kishte probleme të rënda shëndetësore.
Drejtoresha me inicialet A.Z, gjatë gjykimit ka shfaqur shenja pendese si dhe ka kërkuar nga trupi gjykues që të merrte parasysh arsyen se përse e kishte kryer këtë veprim, shkruan Shqiptarja.com.
Megjithëse drejtoresha u dënua për akuzën e “Vjedhjes duke shpërdoruar detyrën” dhe “Falsifikimit të dokumenteve”, gjykata vendosi që dënimi të pezullohet, duke e kaluar ish-drejtoreshën në shërbim të provës.
