Donald Lu dje takoi Astrit Patozin në Rogner dhe tema e diskutimeve ka qenë reforma në drejtësi. Por pse Lu i takon personalisht deputetet e PD që njihen edhe si kritikë të Bashës kur PD-ja është deklaruar se nuk votohet reforma pa vendet e rezervuara? A po bind Lu deputetët e PD të votojnë kundër vullnetit të partisë ku aderojnë?
Këto janë dyshime të arsyeshme pasi ambasadori është pozicionuar qartë, (duke hequr kostumin diplomatik) por PS dhe kundër PD në lidhje me reformën. Nga ana tjetër kryeministri është zotuar se do e miratojë me çdo çmim reformën në drejtësi deri më 21 korrik.
Lidhur me takimin e djeshëm, vetë Patozi ka pranuar se është thirrur në kafe nga Donald Lu për drejtësinë por nuk ka dhënë detaje se çfare kanë biseduar.
Takimi me ish-kryetarin e Grupit Parlamentar të PDsë nuk do të jetë i vetmi deri në ditën e votimit më 21 korrik. Të tjerë deputetë do të kenë takime private me ambasadorin amerikan për këtë çështje.
Sakaq një takim me format të ngjashëm me atë që zhvilloi mesditën e djeshme me Astrit Patozin, ambasadori i SHBA-ve, e realizoi pak kohë më parë edhe me deputetin tjetër demokrat, Eduard Selamin.
