Nga Majlinda Bregu
Ne boten e perditshme te njerezve qe cohen e ngrysen me hallet e perditshme kete jave ka patur nje ngjarje qe mund te quhet qamet.
Humbja e jetes se dy femijeve te mitur qe udhetonin me te emen per te vizituar babain ne burg.
Ne boten e perditshme te politikes ka nje teme kryesore: reforma ne drejtesi, vizitat e ambasadoreve ne mbledhjet tona, ” i tha me tha”, “ne fund u shpreh” e keto qe iI dime
Ne trendin e perditshem te historive me krim droge e korrupsion, nje Pablo Eskobar, Drejtor Rrugesh te cilit prej dje nuk di a po i njihet si rrethane lehtesuese se eshte mik i Ilir Metes, apo do te vazhdojme ta quajme rrethane renduese se eshte drejtor ne qeverine e Rames.
Dhe ja ku jemi ne ketu ne boten e te enjtes tone, me te njejten dinamike te pandryshueshme te debatit te gjate te cilin ata te botes se pare me lart, e shohin permes TV, ata te se dytes e perkthejne, ata te botes se krimit e shohin per gallate.
Cfare i lidh te treja ngjarjet , apo te treja botet?
Politika e keqe. Papergjegjshmeria. Korrupsioni. Moszbatimi i vendimit te gjykatave. Drejtesia pazar.
Nje nene varros dy femijet qe donin te shihnin te atin ne burg qe sic thone mediat po ndertonte pa leje catine e shtepise te tij. Ai ishte ne burg, sepse ai eshte i pafuqishem.
Meqe ne burg nuk shkon ai qe nderton hotele,pallate pa leje se eshte i fuqishem, per te thene se ligji zbatohet, vendin e te fuqishmit e ze i pafuqishmi.
Sepse nje palo gjyqtar vendos te lere ne burg ate qe ka hall se i pikon catia, nje palo tjeter sharron me vendim gjyqi trafikendaresin e rruges dhe nje i munguar ende nuk dime a do te coje atje ku ishte babai i atyre femijeve, ate vendimmarresin qe mbyll syrin per kete hata.
Kjo eshte qasja e mposhtjes se te dobetit qe po perhapet si virus me kete qeveri. I pafuqishmi eshte i mallkuar. Ai denohet, ai paguan, ai s’llogaritet. I pafuqishmi harrohet, i fuqishmi mbreteron.
A e kuptojme dot ne dhimbjen e te pafuqishmeve? Jo! Sepse ata jane bote tjeter.
Bota e dyte e perditshmja e politikes,ka ngarkesen e reformes ne drejtesi.
Sa here qe degjoj betime e perbetime per reformen ne drejtesi, me vjen nje shije ne fyt sikur dikur shija e tetraciklinave te verdha qe na i jepnin me zor qe te sheroheshim.
Sa here qe degjoj argumenta e detaje se sa e begate do jete jeta pas reformes ne drejtesi, prap ajo shija tetraciklines aty me rri.
Por sa here mendoj cfare do te ndodhe sikur ky vend ta humbe shansin per t’i dhene drejtim drejtesise, me ngjan se behem me e verdhe se tetraciklina.
Cudi, mua nuk ma mban te jem kaq e qete duke perfytyruar se c‘dreq ditesh kemi perpara kur me te dreqshme se keto qe po shohim, s’di se mund te kete.
Dhe une nuk e shoh dot celjen e negociatave me BE si nje proces qe nuk do te sjelle asgje per Shqipetaret ndaj le te ndodhe kur te ndodhe.
Ne nuk jemi vend me demokraci permbajtesore per te mos thene qe e manipulojme sa here duam kete demokracine, sa te kemi luksin te na heqe edhe BE shikimin.
Une e shoh celjen e negociatave per anetaresim me shume si garanci per te ndalur doren e dhunimit te standarteve europiane, se sa si proces shperblimi per perpjekjet tona te meketa keto vite drejt BE.
Dhe njeri qe te me binde se celja e negociatave me BE pret, nuk ka.
Nuk pret.
Nuk pret se duam apo s ‘duam celja e negociatave me BE, eshte nje garanci me per te ndalur piraterine dhe banditizmin gjeresisht ne fuqi nga kjo maxhorance.
Pirateria dhe banditizminishin per shoqerite e pazhvilluara dje, sic eshte sot krimi i organizuar per shoqerite moderne sot.
Problemi eshte se ne nuk jemi as shoqeri e pazhvilluar si dikur ky term kish kuptim, as moderne sic ky term ka kuptim per shoqerite qe e meritojne.
Ne jemi thjesht nje lemsh deshperues, ku krimi fle, gdhihet, ngryset si pushtet me vete. I pari.
Dhe s’ka emer tjeter vecse krim i organizuar i nje politike te inkriminuar ne nje shoqeri te frikesuar.
Si dhe vandalet, gotet, normanet as keta te fortet tane nuk kane nevoje per ideologji, keta kercenojne, dhunojne, vene gjoba, vrasin. Ju mjafton kodi i marredhenies politike.
Na duhet reforma ne drejtesi edhe per te na qartesuar te gjitheve ku eshte fundi i sjelljes tone si te paafte per t’i dhene drejtim vete, me vullnet e institucionet tonat, kesaj situate qe i ben shqiptaret te vuajne perdite padrejtesi.
Na duhet, qe te jemi te qarte jo vetem sa gjyqtare e prokurore te korruptuar ka ky vend, por kush jane pazmoret e tyre dhe garantet politike te krimineleve Eskobar a Al Kapone.
Na duhet, qe te na jape mundesine secilit, qe te vazhdojme te besojme se ky vend nuk ka marre rrokopujen perfundimisht dhe ne te enjteve ne parlament te mos bejme vetem inventarin e krimineleve te rruges a atyre me pushtet.
Nese qeverise nuk i teret hovi qe te jete ombrelle e t’ i gllaberoje edhe pushtetet e tjera, ne, ne opozite, na duhet reforma edhe per te luftuar per pavaresine e pushteteve te tjera dhe mbi te gjitha per t’ i dale Zot “botes se pare” te njerezve te thjeshte, te cilet nuk kane sy te qajne hallin e politikes se ua kane zene lotet e dramave te tyre.
