Olsi Rama është paraqitur në Prokurorinë e Posaçme, ku është marrë në pyetje për dosjen Xibraka, kallëzim i bërë nga kreu i Grupit Parlamentar Gazment Bardhi, i cili pretendon se vëllai i kryeministrit ka qenë i përfshirë në aktivitetin e paligjshëm.
Pas daljes nga SPAK, Rama u shpreh se nuk ka asnjë lidhje dhe se mjetin e kishte marrë për të shkuar në Selanik.
“Nuk kam asnjë çerek lidhje. Ju e dini shumë mirë se i kujt është automjeti, ia kam marrë automjetin një personi në atë kohë për të bërë një udhëtim dyditor në Selanik. S’kam lidhje fare me personat që përmendni, vetëm një person njoh.
Unë e kam bërë kallëzimin sepse e kam cilësuar një manipulim të të gjitha fakteve dhe një gënjeshtër shumë të madhe”, tha ai.
