Dortmund-Liverpul, Klop rikthehet për të vrarë përbindëshin që krijoi vetë

Ndeshja më interesante në Europa League është padyshim çerekfinalja midis Borussia Dortmund dhe Liverpool, teksa ky duel shënon edhe rikthimin e Jurgen Klopp në “Westfalenstadion” ku e duan të gjithë.

Klopp u bë trajneri i Dortmund në vitin 2008, dy vite më vonë ai fitoi titullin e Bundesliga­s.

“Milionerët” e gjetën veten tyre në krye të tabelës edhe në vitin 2011, teksa një vit më vonë ata arritën në finalen e Champions League, ku u mundën nga Bayern Munich.

Klopp u tërhoq nga posti i trajnerit të gjermanëve pas një sezoni të dobët, dhe drejtuesit e Borussia­s e zëvendësuan me Thomas Tuchel, i cili po bën një punë të mrekullueshme.

“Verdhë e Zinjtë” po luajnë një futboll shumë të bukur dhe është një mëkat forma e dobët vitin e kaluar sepse ekipe të tilla duhet të marrin pjesë në Champions League.

Të kuqtë nuk janë në gjendje të gjejnë vazhdimësi gjatë gjithë sezonit. Ata kanë bërë disa ndeshje të bukura gjatë javëve të fundit, të pasuara nga disa ndeshje jo aq të mira.

Edhe ardhja e Klopp nuk e ka ndryshuar shumë gjendjen, megjithëse kanë filluar të duken si një ekip serioz, në krahasim me fillimin e sezonit.

Nuk do të jetë hera e parë që Liverpool luan kundër një ekipi gjerman, pasi u ndeshën kundër Augsburg në raundin e parë të eliminatoreve ku ata kaluan me më shumë vështirësi seç pritej, duke shënuar vetëm një herë në dy ndeshje. Coutinho po përjeton një super formë dhe me siguri do të jetë

rreziku kryesor bashkë me Sturridge.

Fakte rreth ndeshjes

­Jurgen Klopp ka qenë nën drejtimin e Dortmund për 319 ndeshje, duke fituar 180 (56.4%)

­Dortmund nuk kanë arritur të shënojnë në dy ndeshjet e fundit kundër Liverpool

­Gjashtë gola janë shënuar në gjashtë ndeshjet e fundit të Liverpool në Europa League (tre të shënuar, tre të pësuar)

­Do të jetë hera e 18­të që Liverpool do të luajë një ndeshje në Gjermani në kompeticionet evropiane, ata kanë fituar vetëm dy ndeshje nga 17 udhëtimet e mëparshme

­Pierre­Emerick Aubameyang ka shënuar shtatë gola në shtate ndeshjet e fundit në Europa League për

Dortmund

Formacionet e mundshme

Borussia Dortmund: Burki; Pisczczek, Hummels, Sokratis, Schmelzer; Castro, Weigl, Durm; Mkhitaryan, Aubameyang, Reus

Liverpool: Mignolet; Clyne, Lovren, Sakho, Moreno; Can, Henderson; Milner, Coutinho, Lallana; Sturridge