Ditën e sotme, Valbona Sako, njoftoi dorëheqjen e saj nga posti i kreut të Bashkisë së Durrësit. Por, kanë kaluar vetëm pak orë për të bërë zëvendësimin e saj, mësohet se kryebashkiaku i komanduar do të jetë, Zhylien Varfi.
Varfi më herët ishte nënkryetar i kësaj bashkie. Këshilli Bashkiak në një mbledhje që zgjati vetëm 5 minuta propozoi emrin e Vafrit, dhe më pas u votua në unanimitet.
Sako dha dorëheqjen, pasi gjatë një prononcimi për mediat ku po fliste për dëmet që shkaktoi tërmeti i së martës, u shpreh se “duhet të jemi të kënaqur me 50 viktima”. Kjo deklaratë u shpërnda me shpejtësi në rrjetet sociale, duke ngjallur reagim të ashpër tek qytetarët.
Sot përmes një reagimi në “Facebook”, Sako u shpreh se; “E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falenderoj nga zemra të gjithë ata që më besuan dhe shpresoj në mirëkuptimin e të gjithëv”, shkruan Sako.
Ndërkohë, po sot ka dhënë dorëheqjen edhe nënkryetarja e Bashkisë së Durrësit, Elteva Kondi./ Opinion.al
