Portieri i Milanit, Gianluigi Donnarumma duket gjithnjë e më larg qendrimit tek skuadra kuqezi.
Ofertat për të nuk kanë munguar nga shumë skuadra, ndërsa klubi i Milanit po përgatit shitjen e tij dhe për këtë kërkon të marrë 70 milionë euro.
Sipas ‘Tuttosport’, interesim për Donnarumma-n ka shfaqur skuadra e Liverpool, ku Jurgen Klopp ka zhvilluar një takim me agjentin e lojtarit, për të marrë më tepër informacioni rreth tij.
Milani e vlerëson 70 milionë euro portierin dhe nuk ka ndërmend të tërhiqet.
Gjithashtu edhe skuadra e Paris SG ka shfaqur interes për portierin pak ditë më parë, por Milani i ka thënë se nëse doni Donnarumma-n, atëherë duhet të na jepni Cavanin.
