KPA ka shtyrë seancën ndaj ish-drejtueses së Krimeve të Rënda, Donika Prela.
Prokurorja kaloi me sukses provën e parë të vettingut më 5 shkurt të vitit 2019, por komisionieri publik kërkoi shkarkimin e saj duke kritikuar justifikimin që trupa gjyqësore u bëri të ardhurave të pataksuara të bashkëshortit të Prelës.
Seanca e parashikuar për ditën e sotme u shty me kërkesë të prokurores Prela, e cila paraqiti një raport dy javor, ndërsa shprehej se e kishte të pamundur të paraqitej në këtë seancë për arsye shëndetësore.
Pas kërkesës së prokurores Prela, trupi gjykues vendosi shtyrjen e seancës më 5 shtator ora 15:00.
Ndërkohë Rezarta Shuls do të zëvendësoje Luan Dacin si pjesë e trupit gjykues pasi ndaj këtij të fundit KPA vendosi pezullimin e tij nga detyra./ Opinion.al
