“Lajm i bujshëm: Presidenti Trump është plagosur në krah me armë zjarri”. Kështu shkruante dje BBC gjatë ceremonisë së inaugurimit të presidentit Trump në rrejtin social Twitter.
Vetëm kaq ka mjaftuar dhe lajmi është përhapur menjëherë në disa nga mediat e mëdha të botës. Ndërsa ndjekësit në Twitter të BBC janë shfaqur menjëherë skeptikë.
Nuk kanë kaluar shumë minuta dhe ai status është fshirë. Sipas Daily Mail, BBC po ashtu ka ripostuar një sqarim ku thuhej: “Ju kërkojmë falje të gjithë atyre që panë një postim të pazakontë nga llogaria jonë këtë mëngjes. Duket se jemi sulmuar nga hakerat dhe jemi duke u përpjekur për ta rregulluar çështjen tani.”, – ka sqaruar BBC.
Po ashtu një zëdhënës i BBC reagoi e tha se : “Llogaria e BBC Northampton ne Twitter ishte hakeruar, pasi ajo nëpërmjet një statusi në Twitter njoftoi : Breaking News: President Trump është plagosur në krah me armë zjarri #Inauguration”.
Lajmi në llogarinë e BBC që ishte sulmuar nga hakrat ishte i gabuar, pasi presidenti i sapo zgjedhur Trump, ishte duke festuar në ballo e inaugurimit të tij./opinion.al
