Të dënuan padrejtësisht dhe pret të marrësh dëmshpërblimin? Do presësh. Deri kur Edi Rama të udhëtojë më pak dhe paratë që teprojnë të shpërndahen për kategorinë tënde. Sipas Lapsi.al, fondi për këta persona po përdoret për të paguar biletat e udhëtimit të Edi Ramës, sipas një vëzhgimi të thjeshtë në transaksionet e thesarit që ka bërë Open-data Albania. Fatura e kompanisë së udhëtimeve ‘Meridiana Travel Tour” u shlye me 8 milion lekë nga Këshilli i Ministrave, me paratë e thesarit që ishin pjesë e shpenzimeve për “Burgosjet e padrejta”. Një ekstrakt të shpenzimeve mund ta shihni në tabelën më poshtë. Duket qartë që përfitues është kompania e udhëtimeve, ndërsa Kategori Shpenzimi është: Shpenzime per kompensim per burgosjet e padrejta.
