Ka nisur interpelanca e thirrur nga Asllan Dogjani për sigurinë dhe rendin në vend, e cila zhvillohet përballë ministrit të Brendshëm, Ervin Hoxha.
Gjatë fjalës së tij, Dogjani ka debatuar me kryeparlamentaren Elisa Spiropali, pasi tha nga foltorja e Kuvendit se kryeministri Rama ka nevojë për një vizitë mjekësore sepse “nuk është mirë nga koka”.
Por Spiropali i tërhoqi vëmendjen për fjalorin, teksa i tha të mos diskutohet më në foltore për shëndetin mendor dhe me fyerje e me shpifje.
Asllan Dogjani: Si mund të kërkoj llogari kur drejtoheni nga dikush që ka nevojë për një vizitë mjekësore sepse dukshëm nuk është mirë nga koka.
Elisa Spiropali: Ju tërheq vëmendjen për fjalorin dhe mos guxoni më të diskutoni më në këtë foltore për shëndetin mendor dhe me fyerje e me shpifje. Kaq.
Asllan Dogjani: Mos guxo të më ndërprisni.
Elisa Spiropali: Mos guxoni më ta përdorni foltoren e kuvendit. Përfundo fjalën. Është e turpshme fyerja e personaliteteve, kryeministrit, presidentit, kryetarit të kuvendit, deputetëve, ministrave nuk lejohet nga ajo foltore.
