Të mërkurën në mbrëmje, në emisionin “Opinion” u diskutua lidhur me sulmin e kryeministrit Rama ndaj SPAK.
Është tensionuar situata mes mazhorancës dhe SPAK pas fjalës së kryeministrit Edi Rama në orët e paradites së të mërkurës, kur ai ka hedhur disa akuza në fillim në drejtim të SPAK-ut, më pas ka korrigjuar shënjestrën duke thënë se në të nuk janë SPAK dhe institucionet e drejtësisë, por individë të caktuar brenda tyre.
Gjykata ka vendosur në vlerësimin e sigurimit që Erion Veliaj të vijojë në arrest në burg, ndërkohë që ka lehtësuar masën për bashkëshorten e tij, Ajola Xoxën me detyrim paraqitjeje dhe ndalim daljeje jashtë shtetit, ndërsa ka ruajtur masën e sigurisë për gjithë personat e tjerë.
Në ambientet e jashtme të SPAK-ut ka pasur një numër mbështetësish të Erion Veliajt, mes tyre figura publike. Çfarë do të ndodhë me drejtësinë? Ku pritet të shkojmë?
Të ftuar: Fatjona Mejdini, Armand Shkullaku, Baton Haxhiu, Preç Zogaj, Enton Abilekaj. Në lidhje direkte: Ylli Manjani
Në pjesën e tretë të emisionit “Opinion”, Nikolin Kurti, një studiues i pasionuar pas masakrimit të klerit katolik në Shqipëri, por sidomos të njërit prej të afërmve të tij, Dom Shtjefën Kurtit, një personazh i jashtëzakonshëm i martirizimit të klerit katolik në Shqipëri, ka humbur jetën dy ditë më parë.
Nikolin Kurti rrëfen gjithë historinë e Dom Shtjefën Kurtit, një klerik katolik që u pushkatua sepse pagëzoi një fëmijë dhe u bë objekt i sulmeve të Shqipërisë komuniste nga e gjithë bota. Pas vrasjes së tij është ndoshta personi që ka pasur më shumë artikuj, mbi 2000 të illë në shtypin botëror që shënjestronin Shqipërinë komuniste si një vend që vriste klerikët. Kjo intervistë është edhe një homazh për Nikolin Kurtin ku ai rrëfen dënimin e At Shtjefën Kurtit dhe gjithë kalvarin e tij.
