Deputeti i PD-së, Asllan Dogjani i cili u paraqit sot në SPAK, foli për mediat pas daljes nga ambientet e SPAK.
Dogjani tha se shkoi në SPAK për kallëzimin që ka bërë lidhur me vjedhjen e pronës publike në Tiranë.
Sipas tij, kjo vjedhje është bërë në bashkëpunim me kadastrën.
Ai thotë se ka kërkuar interpelanca dhe ka bërë debate në parlament për grabitjen e pronës publike.
”Sot kam marrë edhe banorët edhe ish-pronarët e pallatit ku jetojnë, sepse për këtë kam ardhur edhe sot dhe kam marr kopjet e aktit me cd. Këtu kam edhe një dosje të cilën u’a kam çuar edhe ambasadorëve sepse shteti shqiptar nuk funksionon.
Kam kërkuar interpelanca, kam bërë debate në parlament i kam kërkuar kryeministri Rama lidhje me grabitjen e pronës publike. Por ajo që më bën përshtypje është se unë bëj denoncim për vjedhje të pronës publike me korrupsuion. Kam denoncuar publikisht grabitjen e pronës publike në mes të Tiranës në bashkëpunim e Kadastrën. Vetë kadasatra e ka anuluar vendimin e vetë të legalizimit, e kemi kallëzuar në prokurori.
Do tu tregoj edhe një fotografi qe tu tregoj se çfarë është legalizuar sepse është shumë interesante. Kjo këtu është ajo nevojtorja që gjoja banonte një Ramazan Gjoshi përpara pallatit, që e ka përdorur për nevojtore për punëtorët kur ka ndërtuar pallatin ky Ilirjan Çela dhe më pas e ka legalizuar 210 metër katrorë tokë”, tha Dogjani.
