Debati i kohëve të fundit mban padyshim emrin LGBT. Mesila Doda është një prej kritikeve më të mëdha të propagandës së këtij komuniteti, ndërsa kësaj here ka kapur një pjesë të tyren për të cilën shumë pak guxojnë ta ngrenë zërin. Bëhet fjalë për fondet e shumta që përfiton komuniteti LGBT falë kauzave të tyre që më tepër ngjallin debat. Sipas Dodës halli që kanë këta persona nuk është as te seksi dhe as te bullizmi, por vetëm te përfitimi i fondeve të shumta që marrin prej ndërkombëtarëve apo edhe shtetit. Doda shkruan:
Meqenëse LGBT-të janë shqetësuar pse i kushtova vetëm një paragraf, e nuk u mora kësaj radhe seriozisht me ta, më duhet të sqaroj publikisht që nuk kam ndërmend të merrem me një komunitet që ka prirje seksuale të caktuara e që për këte zgjedhje a dëshirë të tyre kërkojnë të përfitojnë fonde pafund duke u vetë viktimizuar.
Sqarimi im mbi pozicionimin e tyre në shoqëri, mbi lirinë apo diskriminimin e tyre virtual nuk mund të bëhet argument që këta individë të vazhdojnë të përfitojnë fonde pafund nga donatorë apo nga qeveria shqiptare. Ky vend ka boll halle të tjera që të shqetësohemi se si zgjedhin ta bëjnë seksin ca djem e vajza që ngatërrohen rrugës me veten…
Droga është problemi për të rinjtë tanë, sjellja me njëri-tjetrin ku hyn edhe bulizmi po bëhet plagë e kësaj shoqërie…Përzgjedhja seksuale e LGBT-ve nuk më shqetëson e nuk do bëhet burim që ata të jetojnë të zhytur në fonde që shtohen se ne hapim gojën për t’u sqaruar atyre burimin e jetës…
Tek e fundit, për ta nuk ështe halli tek seksi, aq më pak te dashuria… gjithë halli është te lekët…
