Një 53-vjeçar është arrestuar në Gramsh pasi kanosi me armë zjarri bashkëshorten e tij dhe fëmijët.
Pas njoftimit të marrë se një person që banonte në fshatin Grabovë e Sipërme, kërcënonte bashkëshorten dhe fëmijët se do t’i vriste me armë zjarri, policia ka shkuar në adresën e dhënë, ku u bë e mundur parandalimi i një ngjarjeje të mundshme kriminale në familje.
Oficerët e Policisë arrestuan në flagrancë shtetasin Gj. S., 53 vjeç, banues në fshatit Grabovë e Sipërme, Gramsh, me precedent të mëparshëm kriminal, në fushën e narkotikëve, të armëmbajtjes pa leje dhe në fushën e vjedhjes.
Gjithashtu, 53-vjeçarit iu gjet arsenal armësh të përbërë nga 5 armë zjarri, 1 armë gjahu dhe municion luftarak.
Nga veprimet hetimore dyshohet se ky shtetas ka ushtruar dhunë fizike në mënyrë të përsëritur ndaj bashkëshortes së tij dhe fëmijëve të tyre, si dhe i ka kanosur ata me armë zjarri, për motive të dobëta.
Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme./Opinion.al
