Një ditë pas krimit të rëndë që tronditi mbarë opinionin publik, ku Dan Hutra vrau tre gra dhe plagosi 3 të tjera kanë dalë detaje tronditëse.
Sipas News 24, Dan Hutra sapo ka shkuar në oborrin e banesës së familjes së ish-gruas së tij, ka hapur zjarr ndaj ish-kunatës së tij, Mevlute Hysës dhe të fejuarës së vëllait të tyre, duke i lënë të vdekura. Në momentin që dy 30-vjeçaret u qëlluan nga Hutra mësohet se ishin duke larë makinën në oborr.
Fill pas këtij episodi, duke qenë se i kanë mbaruar plumbat e kallashnikovit, Hutra është futur brenda në banesë dhe ka marrë një thikë nga kuzhina, dhe ka goditur ish-gruan Elena Hysa dhe nënën e saj, Kujtime Hysa, duke i plagosur. Më pas ka shkuar në makinë për të mbushur karikatorin me plumba, për t’u futur sërish në banesë dhe për të qëlluar sërish.
Por kur ka dalë jashtë është ndeshur me fqinjët e familjes Hysa dhe një nga ata e kishte pyetur se; “çfarë po bën?’, duke bërë që ai të largohej.
Ndërkohë, ai është larguar në drejtim të objektivit të radhës. Hutra shkoi në banesën e 31-vjeçares Elteva Kurtit, të cilën e ekzekutoi në oborrin e banesës. Kjo e fundit është motra e Vladimir Kurtit, i dënuar përjetë për vrasjen e Agim Bucit.
Ndërkaq, sot mësohet se 2 djemtë e familjes Hysa kanë mbërritur në shtëpinë e tyre për të përcjellë në banesën e fundit motrën e tyre, Mevlute Hysa, ndërkohë që motra tjetër dhe nëna e tyre ndodhen të shtruara në spitalin e Traumës.
