Aktualitet

Do e shkarkojë Ardi Veliun? Rama: Hej Zot i madh! S’ka krizë në Polici


Bëhu pjesë e Grupit Zyrtar të Opinion.al
>> KËTU <<
               Publikuar në : 14:21 - 29/06/21 |
Opi Nion

Kryeministri Edi Rama i pyetur nga gazetarët në konferencën për mediat të mbajtur ditën e sotme se a do ta shkarkojë drejtorin e Policisë së Shtetit, Ardi Veliu pas ngjarjeve kriminale të ditëve të fundit, tha se rastet konkrete shikohen në kontekstin që ndodhin duke mos dhënë përgjigje të drejtpërdrejtë.

Më tej ai tha se Policia e Shtetit nuk është në krizë duke theksuar se puna nuk mund të hidhet poshtë se ndodhën disa ngjarje tragjike.

“Hej Zot i madh! Nuk di sesi ta shpjegoj që rastet konkrete shikon në kontekst, nëse ne do të niseshim jo këtu në Shqipëri, por vendet, qeveritë shtetet do të niseshin nga rastet për të hequr njerëz, nuk do të kishte ngelur njeri. Policia e Shtetit shqiptar nuk është në asnjë situatë problematike. Është vetëm në një proces rritjeje dhe fuqizimi të mëtejshëm. Pra nuk ka asnjë problematikë më të madhe seç ishte përpara këtyre ngjarjeve kur gjërat dukeshin normale. Dhe nëse i referohemi disa ngjarjeve që kanë të bëjnë me ngrëniet e kokave mes njëri-tjetrit të kriminelëve edhe aty duhet të shikojmë reagimin, kapacitetin e zbardhjes dhe të ndalimit të autorëve. Nuk ka një krizë në Policinë e Shtetit, kjo është fare e qartë. Puna e Policisë së Shtetit nuk hidhet dot poshtë se ndodhën disa ngjarje tragjike, ku faktikisht mësimit për të nxjerrë është çfarë duhet të bëjë secili, por kur konkretet janë krejt pa lidhje”, tha Rama.

Pas