Kryesore

Djali i ministrit kontrabandë ilaçesh në Itali,Noka:Bledi Çuçi të japë dorëheqjen



Bëhu pjesë e Grupit Zyrtar të Opinion.al
>> KËTU <<
               Publikuar në : 12:26 - 18/06/22 |
Opi Nion

Sekretari i Përgjithshëm i Partisë Demokratike, Flamur Noka në një deklaratë për shtyp ka denoncuar edhe një herë faktin e arrestimit të djalit të ministrit Bledi Çuçi në Itali për kontrabandë ilaçesh.

Gjatë deklaratës Noka ka kërkuar dorëheqjen e ministrit të Brendshëm, Bledi Çuçi pasi thotë se djali i tij është faktuar si i përfshirë në trafikun e ilaçeve nga Italia në kulmin e pandemisë Covid-19.

Denoncimi u bë dje për herë të parë nga kreu i PD, Sali Berisha i cili tha se Endi Çuçi dhe disa persona të tjerë janë marrë në hetim për kontrabandë ilaçesh si dhe pretendohet se pacientë shqiptare merrnin karta shëndeti të falsifikuara në Itali gjatë pandemisë.

Ish-kryeministri e bëri denoncimin në rrjetin e tij social “Facebook”, ku publikoi edhe disa dokumente që ia ka dërguar një qytetar digjital nga autoritet gjyqësore italiane.

Sot jam këtu, për të denoncuar para qytetarëve shqiptarë, një tjetër skandal të rëndë ku është përfshirë djali i Ministrit të Brendshëm Bledi Çuçi, skandal që prej kohësh i është fshehur qëllimisht opinionit publik.

Ministri i Brendshëm Bledi Çuçi vazhdon të qendrojë në detyrë, pavarësisht se djali i tij është faktuar si i përfshirë në trafikun e ilaçeve nga Italia në kulmin e pandemisë COVID 19.

Dhe akoma më keq!

Edi Rama njësoj siç mbrojti Saimir Tahirin të përfshirë në trafik droge, njësoj siç mbrojti Fatmir Xhafën për të vëllanë trafikant droge, njësoj siç mbrojti kryebashkiakë e deputetë – trafikantë e shkelës të tjerë të ligjit, po bën gjithçka për të mbajtur të fshehur skandalin e përfshirjes së djalit të Bledi Çuçit në një aferë kriminale trafiku në Itali dhe ta mbajë atë Ministër të Brendshëm.

Nëse në Shqipëri do kishte shtet me demokraci funksionale dhe jo regjim, Bledi Çuçi edhe nëse s’do të jepte dorëheqjen, do duhet të ishte shkarkuar menjëherë.

Bledi Çuçi ka heshtur për rolin e të birit në skemën e trafikut, të zbuluar nga autoritetet ligjzbatuese italiane, por heshtja e tij e qëllimshme nuk i mbulon dot faktet e rënda.

Është fakt se djali i Ministrit të Brendshëm të Shqipërisë ka kaluar kufirin me dokumenta ta falsifikuara

Është fakt se djali i Ministrit të Brendshëm të Shqipërisë e ka kaluar kufirin me Italinë në mënyrë të paligjshme me qëllim transportin e ilaçeve, pjesë e skemës së abuzimit prej 600 mijë eurosh.

Është fakt se të dyja këto janë pjesë e akuzës ndaj djalit të Ministrit të Brendshëm të Shqipërisë, siç pohohet edhe në hetimet paraprake të Prokurorisë së Milanos.

Kështu:

Në faqen 4 të hetimeve, Endi Çuçi është i pari në listën e personave që kanë mashtruar me falsifikimin e dokumentave mjekësore për të hyrë në mënyë të paligjshme në Itali dhe për të mashtruar sistemin shëmdetësor Italian;

Në faqen 9 të hetimeve paraprake, djali i Ministrit të Brendshëm të Shqipërisë përmendet në cilësinë e personit që ka transportuar ilaçet në Shqipëri për llogari të kreut të skemës kriminale. Mbi djalin e Bledi Çuçit bie akuza e “përdorimit të parave, mallrave ose përfitimeve të tjera që rrjedhin nga një krim; në veprimtari ekonomike ose financiare” sipas nenit 648 të Kodit Penal të Republikës së Italisë. Kjo vepër dënohet nga gjobë deri 25 mijë euro deri në 12 vjet burg;

Djali i Ministrit të Brendshëm përmendet edhe në pjesë të tjera të fashikullit hetimor, ku është konsoliduar idea e hetuesve për rolin e tij të transportuesit të ilaçeve në mënyrë të paligjshme.

Këto fakte të pamohueshme të implikimit si transportues të Endi Çuçit në aktivitet të paligjshëm të trafikimit të ilaçeve duhet të kishin sjellë sot dorëheqjen e babait të tij Ministër i Brendshëm.

Së pari, Endi Çuçi. Ai ka patur imunitet të plotë nga policia shqiptare si djali i Ministrit të Brendshëm kur ka kaluar kufirin shqiptar me letra të fallsifikuara sikur do të shkonte në Itali për kurim. Vetëm për kaq Bledi Çuçi duhet të japë dorëheqjen duke mbajtur përgjegjësi politike dhe morale.

Së dyti, Endi Çuçi trafikun ilaçeve të trafikuara në mënyrë të paligjshme e ka bërë i qetë nga ana e shqiptare e kufirit, përsa kohë babai i tij ishte shefi i madh i policëve.

Edhe për këtë, Bledi Çuçi mban përgjegjësi politike dhe duhet të kishte dhënë dorëheqjen. Çdo ditë që Ministri i Brendshëm qëndron në detyrë është një imazh i keq për Shqipërinë!

Shqipëria ka vuajtur mjaft nga titujt e mediave të huaja për ministra të brendshëm të qeverisë së Edi Ramës, që kanë ndihmuar drejtpërdrejt trafikantët e drogës ose kanë mbuluar veprat kriminale të vëllezërve trafikantë droge.

Bledi Çuçit i takon të tregohet më i përgjegjshëm se paraardhësit e tij! Dorëheqja është më e pakta që mund të bëjë për të mos ia nxirë edhe më shumë faqen vendit”,-tha  Noka në deklaratën e tij.

Pas