Janë shokuese fjalët e gjyshes të djalit të vogël të Klodi Lesit, shqiptarit që vrau gruan dhe rrëmbeu për më shumë se dy javë djalin e mitur në tentativë për t’i shpëtuar policisë dhe të kthehej në vendlindje.
Duke folur për emisionin e mëngjesit në një televizion grek, gjyshja e djalit të vogël 4vjeçar ka deklaruar se nesër djali pritet të lërë spitalin ku është shtruar për të rimarrë veten pas disa ditësh të tëra që nuk ka ngrënë ushqim të shëndetshëm.
“Tani ai është më mirë me shëndet por përsëri mbetet i dehidratuar”, ka thënë ajo.
“Djali pyet se ku e ka mamanë”, vijon gjyshja e cila thekson se djali ka pësuar një shok të rëndë.
“Unë përpiqem t’i jap çfarë të mundem, por djali duket se nuk do të kthehet më si më parë”, u shpreh e moshuara, e cila tani përveçse duhet të përballojë mungesën e të bijës, do rrisë edhe dy fëmijët e mitur që ajo la pas.
4vjeçari është monitoruar nga psikologët dhe ata janë shpresëplotë se fëmija po pikturon objekte me ngjyra të ndezura, teksa edhe vëllai tjetër i tij është duke u mbajtur nën vëzhgimin e psikologëve.
