Rexhep Rraja, djali i deputetit të Partisë Socialiste Ramazan Rraja dhe vëllai i tij Xhelal Rraja janë identifikuar nga policia e shtetit si organizatorë të dhunës barbare ndaj dy kushërinjve të fisit Maja.
Ngjarja ndodhi më 6 korrik në një lokal në aksin Fushë Krujë – Thumanë, ku anëtarë të fisit Rraja dhunuan në lokal dy kushërinjtë Bilbil dhe Jashar Maja, të cilët ishin ankuar në polici për guroren në pronësi të Përparim Rrajës, se po iu dëmtonte banesat.
Policia e Shtetit i bëri thirrje Xhelal Rraja dhe Rexhep Rraja, për tu dorëzuar sa më parë në Policinë e Shtetit së bashku me personat e tjerë të shpallur në kërkim pasi çdo orë që kalon rëndon akoma më shumë pozitën e tyre penale.
