Dy ditë pas Samitit të Berlinit, ish-Ministri i Jashtëm Ditmir Bushati shfaqet skeptik për integrimin e Ballkanit Perëndimor në Bashkimin Europian.
Nëpërmjet një postimi në Twitter, Bushati ka kujtuar 15-vjetorin e zgjerimit të Bashkimit Europian me 10 shtete. Sipas Bushatit, shkak për këtë janë dallimet ekonomike dhe sociale.
“Sot shënohet 15 vjetori i zgjerimit të “Big Bang” të EU me 10 vende të CEE. Një arritje historike pas Luftës së Ftohtë. 15 vjet më vonë, pranimi në BE i Ballkanit Perëndimor duket mjaft i largët, duke mos tejkaluar ende boshllëqet ekonomike dhe sociale. Punë e pa përfunduar!”, shkruan ai ne Twitter.
Reagimi i ish-ministrit vjen kur në Samitin e Berlinit u konfirmua se vendimi për hapjen e negociatave për Shqipërinë do të shtyhet për në vjeshtë.
Nga qeveria nuk ka pasur ende një reagim zyrtar për këtë, përveç një postimi të kryeministrit Edi Rama i cili i quajti “kazanë” ata të cilët i komentuan si negative rezultatet e takimit për perspektivën europiane të vendit./Opinion.al
