Banorët e qytetit të Meksikos të premten u pritën me një pamje të çuditshme.
Me dyshekë, maska gjumi dhe jastëkë, qindra meksikanë u shtrinë në tokë për të marrë një sy gjumë në tokë në bazën e Monumentit ikonik të qytetit.
Kjo ngjarje e organizuar nga autoritet meksiknae , kishte për qëllim të rriste ndërgjegjësimin për rëndësinë e gjumit.
Ishte menduar gjithashtu të ishte një protestë për të nxitur që gjumi të konsiderohet një pjesë thelbësore e shëndetit dhe mirëqenies.
Disa pjesëmarrës u mbështjellën me batanije, ndërsa të tjerë përgatitën telefonat e tyre për të luajtur muzikë qetësuese ndërsa flinin.
Oscar Sánchez Escandón, president i SOMIMS, tha se ngjarja kishte për qëllim të nënvizonte “pabarazinë e gjumit” në mbarë botën.
“Ne jetojmë në një shoqëri plot angazhime ekonomike, sociale dhe politike, ku gjithçka ka rëndësi përveç pushimit. Kjo mund të ketë një ndikim të fortë në shëndet”, tha ai.
Gati gjysma e meksikanëve raportohet se kanë probleme me gjumin, sipas një studimi nga Universiteti Kombëtar Autonom i Meksikës.
Meksika u rendit si vendi më i mbingarkuar në botë nga një raport i Organizatës për Bashkëpunim Ekonomik dhe Zhvillim të vitit 2019./Opinion.al
