Joe Rukaj, i njohur gjithashtu edhe si Gjelosh Rukaj, është shqiptari që fitoi lotarinë e madhe në Nju Jork prej 17 mln dollarësh, mirëpo ai e hodhi në erë të ardhmen e tij.
Më shumë se 20 vjet më parë, Rukaj, fituesi i lotarisë së famshme kreu një vrasje makabre. Ai vrau kunatën dhe babanë e saj, duke marrë dënim me burgim të përjetshëm dhe duke mos i gëzuar 17 mln dollarët e lotarisë. Pritet që këtë javë, cikli i dokumentarëve “Doscovery Crime Series” të shfaqë një episod në lidhje me ngjarjen e 11 shtatorit të vitit 1996 që tronditi mbarë SHBA-në.
Sipas dëshmive të asaj kohe dhe dokumenteve gjyqësore, mësohet se Gjelosh Rukaj kishte një lidhje intime me kunatën e tij, Rigaleta Nikaj. Madje me të kishte edhe një fëmijë, por askush prej të dyve nuk e dinte. Në momentin që ai fitoi lotarinë, Nikaj kërkonte pjesën e saj. Lidhja e tyre intime u zbuluar dhe Rukaj u përfshi në një konflikt me atë dhe bashkëshortin e saj, Mark Nikajn.
Konflikti degjeneroi në përdorimin e armëve dhe Gjelosh Rukaj vrau me armë zjarri Mark Nikajn babain e vajzës dhe vetë kunatën e tij.
