Një operacion i autoriteteve spanjolle ka shkatërruar një organizatë kriminale të dedikuar për trafikun e drogës.
Banda shqiptare kultivonte plantacione të marijuanës në shtëpi të mëdha të shpërndara në vende të ndryshme në provincën Malaga në Spanjë.
Operacioni filloi në maj 2021 kur agjentët gjetën një shtëpi në Coín që mbante një erë të fortë marijuane dhe menjëherë pas kësaj nisën hetimet për të zbuluar se kush fshihej pas saj. Hapat operacionalë të ndërmarrë treguan se ishte një organizatë kriminale që përdorte këtë dhe shtëpi të tjera për të rritur marijuanën në ambiente të mbyllura.
Pas disa muajsh hetime agjentët gjetën edhe 6 shtëpi të tjera me karakteristika të ngjashme në komunat Mijas, Alhaurín de la Torre, Marbella dhe Fuengirola që përdoreshin gjithashtu nga organizata. Po ashtu u konstatua se drejtuesit e rrjetit kriminal ishin ngarkuar me sigurimin e logjistikës së nevojshme ndërsa anëtarët e tjerë kryenin detyrat e ruajtjes së banesave.
Gjatë operacionit u arrestuan 15 anëtarët e organizatës, të gjithë me kombësi shqiptare, shkruajnë mediat spanjolle.
Njëra prej shtëpive përdorej si tharëse për marijuanën që kultivohej në plantacionet e tjera, duke lokalizuar në të 127 kilogramë sytha droge të gatshme për shitje. Nga operacioni u sekuestruan gjithsej 3696 bimë marihuanë në faza të ndryshme të rritjes, 167 kilogramë sytha marihuane, 6336 euro, 3 automjete dhe 1 detektor të sistemit GPS./Opinion.al
