Bota

Disa muaj protesta, qytetarët e Hong Kongut drejt një tjetër fitoreje


               Publikuar në : 12:25 - 23/10/19 |
el ida

Kina është duke hartuar një plan për zëvendësimin e lideres së Hong Kongut, Carrie Lam me një shef “të përkohshëm” ekzekutiv, ka raportuar “The Financial Times”, duke cituar burime të afërta me këto zhvillime.

Sidoqoftë burime të medias prestigjoze kanë thënë se zyrtarët në Kinë dëshirojnë që situata në Hong Kong të stabilizohet para se të marrin vendimin përfundimtar, sepse nuk dëshirojnë që veprimi i tyre të përkthehet si dorëzim ndaj dhunës.

Teksa në Hong Kong vazhdojnë të zhvillohen protesta pro-demokracisë prej disa muajsh, Lam është kthyer një ndër shënjestrat kryesore të qytetarëve. Disa herë protestat janë përfshirë nga dhuna, të cilat kanë nisur si shenjë pakënaqësie ndaj një projektligji për ekstradim të të dyshuarve në Kinë.

Projektligji në fjalë është pezulluar duke shënuar fitoren e parë të tyre, mirëpo kërkesat e protestuesve ndërkohë janë zgjeruar, duke bërë thirrje për largimin e Lam edhe për zgjedhje të drejtëpërdrejta.

Prej kur i është dorëzuar Kinës nga Britania më 1997, Hong Kongu në parim funksionon sipas binomit “një shtet, dy sisteme”, dhe gëzon një pavarsi që nuk shihet askund tjetër në Kinë.

Nga ana e saj, Kina ka mohuar akuzat se ka kufizuar të drejtat e këtij territori dhe ka fajësuar kombet e huaja, kryesisht Shtetet e Bashkuara dhe Britaninë për nxitje të pakënaqësive./Opinion.al

 

 

Pas