Ekzistojnë disa mënyra që mund t’i bëni për depilim pa dhimbje.
PARA DEPILIMIT
Asnjëherë mos u depiloni një javë para ciklit menstrual. Në periudhën para ciklit menstrual lëkura është më e ndjeshme, prandaj edhe dhimbja është më e madhe.
Mos konsumoni kafe dhe alkoool disa orë para depilimit. Kafeja dhe alkooli e bëjnë lëkurën më të ndjeshme, prandaj nuk është mirë ta konsumoni disa orë para depilimit, sidomos nëse keni vendosur të bëni depilim Brazilian (depilim në zonen intime)
Merrni një aspirin që ta zvogëloni dhimbjen. Rreth 30-45 minuta para depilimit merrni një aspirin. Ai nuk do ta bëjë depilimin krejtësisht pa dhimbje, por do t’ju ndihmojë që ta përballoni më lehtë.
Sigurohuni që qimet kanë gjatësi të mjaftueshme. Nuk do të mundeni t’i largoni qimet me sukses nëse janë më të shkurta se 5mm. Nga ana tjetër, nëse qimet janë më të gjata se 1.5 cm, dhimbja është më e madhe. Prandaj mundohuni që kur të depiloheni qimet mos të jenë as shumë të shkurta as shumë të gjata, shkruna femina. Shkurtoni me gërshërë nëse janë më të gjata sesa gjatësia normale.
Bëni dush me ujë të nxehtë para depilimit. Uji i nxehtë i hap poret dhe qimet dalin më lehtë. Fshijeni / thajeni trupin mirë para se të filloni me depilimim.
GJATË DEPILIMIT
Mos vini akull. Disa femra me qëllim që ta zvogëlojnë dhimbjen, vendosin akull mbi lëkurë të depiluar. Por aspak nuk preferohet ta bëni atë para se ta vini dyllin (depiluesin), për shkak se akulli i mbyll poret dhe e shtrëngon lëkurën, dhe ashtu qimet dalim me më shumë vështirësi.
Vendosni shtresa të holla të dyllit. Duhet të veni shtresë të holle të dyllit në drejtim të rritjes së qimeve. Nëse vendosni shtresë të trashë dhimbja është më e madhe.
Merrni frymë thellë. Dhimbja i detyron femrat që të shtëngohen gjatë depilimit. Por është e rekomanduar e kundërta- lirohuni dhe merrni frymë thellë.
PAS DEPILIMIT
Vendosni akull. Ai do ta zvogelojë dhimbjen edhe do ta largojë irritimin (skuqjen) e lëkurës.
Lyeni me vaj nga druri i çajit. Ky vaj në mënyrë natyrale e pastron lëkurën dhe e zvogëlon dhimbjen si dhe ndihmon në shërimin e plagëve. Por nëse nuk keni vaj nga druri i çajit mund të përdorni edhe losion me aloe vera.
Disa orë mos bëni dush. Posaçërisht mos bëni dush me ujë të nxehtë për shkak se ashtu do ta irritoni lëkurën.
Mos vishni rroba të ngushta. Rrobat e ngushta fërkohen për lëkure dhe e irritojnë. 24 orë pas depilimit përdorni rroba të gjëra dhe të pambukut.
Nëse jeni në pushim mos hyni në ujë ditën e njëjtë. Uji i ndotur i liqenit dhe uji i kripur i detit shkakton skuqje dhe ndezje, gjithashtu mund të shkaktojë edhe paraqitjen e puçrrave.
Mos u rrini ne diell 24 orë para dhe pas depilimit. Rrezet ultraviolete e bëjnë lëkurën të ndjeshme prandaj është më mirë të rrini nën hije.
Mos përdorni solar dhe saunë në 2 ditët e ardhshme. Shmanguni nga sauna dhe solari së paku 48 orë deri sa të pushojë lëkura mirë pas depilimit.
