Një automjet mori flakë dhe u shkrumbua tërësisht, mbrëmjen e djeshme në afërsi të fshatit Trush, në aksin Shkodër-Velipojë.
Burime nga policia bëjnë të ditur se automjeti i djegur, me targa AA613BF, është në pronësi të shtetasit Ndue Ulaj nga Malësia e Madhe, i cili prej një viti ndodhet i burgosur.
Sipas dëshmitarëve, makina është shkrumbuar tërësisht në ecje, ndërsa dyshohet se drejtuesi i saj është hedhur, sapo ka vënë re tymin në automjet, raporton BalkanWeb.
Nuk dihet ende se kush e drejtonte makinën në momentin e ngjarjes.
Ndërkohë policia vijon hetimet për të zbardhur shkaqet e ngjarjes dhe për identifikimin e drejtuesit të mjetit.
