Makina e një ish-zyrtari në Greqi është gjendur e shkrumbuar së bashku me një person brenda, pasditen e së martës.
Sipas mediave greke makina e tipit Peugeot, e cila u gjet e djegur në zonën e Fokidës është në pronësi të një 60-vjeçari, ish-zyrtar burgu në shtetin Helen.
Sipas policisë nuk dihet identiteti i personit që ka humbur jetën. Gjithashtu mbetet ende e paqartë nëse bëhet fjalë për një aksident apo një veprim kriminal.
Burime të policisë janë shprehur për mediat greke se vendi ku është gjetur makina është mjaft i frekuentuar dhe përbën çudi fakti që askush nuk ka parë asgjë.
Ndërkohë policia ka bllokuar këtë aks rrugor dhe vijojnë hetimet për të përcaktuar identitetin e viktimës si dhe shkaqet që çuan në djegien e makinës./Opinion.al/
