Zëdhënësi i Ministrit të Jashtëm turk Hami Askoi, ka kundërshtuar një raportim të gazetës gjermane “Die Welt”, që shkruan se Tayyip Erdogan do t’i kishte orientuar trupat e tij ushtarake drejt një episodi të nxehtë nëse do të ishte e mundur, edhe pa shkak.
Përmes një deklarate, Aksoi shprehet: “Lajmi I publikuar nga ‘Die Welt’ mbi Mesdheun Lindor dhe që i referohet vendit tonë është një krijim i fantazisë”. Duke iu referuar qeverisë greke, zyrtari turk u shpreh: “Akuzat e ngritura kundër vendit tonë nga qeveria greke bazuar në këtë artikull tregojnë se vendi i tyre është larg nga realiteti në Meshdeun Lindor dhe është rezultat i një politike provokuese që nuk përkon me praktikat dhe ligjet ndërkombëtare. Në vend që të bien dakord me të tilla gënjeshtra, autoritetet greke le t’u japin fund veprimeve që rrisin tensionin në rajon”.
Sipas artikullit të publikuar në gazetën gjermane, po të ishte se varej vetëm nga presidenti turk, flota e tij e do ta kishte fundosur me kohë një anije greke.
“Kjo është pikërisht ajo çfarë Recep Tayyip Erdogan kërkoi nga gjeneralët e tij lidhur me mosmarrëveshjet mbi gazin pak ditë më parë. Por e vërteta është që presidenti turk nuk është i interesuar për gazin. Retorikat e tij nacionaliste ndjekin një kalkulim komplet të ndryshëm”, shkruan gazeta.
“Die Welt”, duke ju referuar burimeve ushtarake turke, shkruan se Erdogan u kishte kërkuar disa ditë më parë gjeneralëve të ushtrisë që të fundosnin një anije greke, por të siguroheshin që të mos vritej askush. Por kjo ide u refuzua prej tyre. E në këtë pikë, sipas “Die Welt”, dikush tjetër sugjeroi për të rrëzuar një avion luftarak grek, por piloti të kishte mundësi të hidhej me parashutë dhe të shpëtonte. Por gjeneralët refuzuan përsëri dhe plani i Presidentit nuk u vendos në zbatim./Opinion.al
