Sipas Partise Socialiste në disa qendra votimi, komisionerët e Partisë Demokratike kanë shkelur përcaktimet e Kodit Zgjedhor duke ekspozuar në ambientet e brendshme material propagandistik partiak dhe me siglën e kësaj force politike.
Sakaq, shtabi elektoral i kandidatit të koalicionit të majtë, Muharem Rama ka falenderuar qytetarët dibranë për pjesëmarrjen e deritanishme në procesin e votimit.
“Kjo pjesëmarrje është tregues i qartë se populli i Dibrës nuk pranon dhe refuzon dhunën e incidentet. Inkurajojmë qytetarët të vazhdojnë të dalin masivisht në votime, të përcaktojnë kështu me vullnetin e tyre të lirë kryebashkiakun e ardhshëm.
Denoncojmë tentativat e vazhdueshme të Partisë Demokratike për të përbaltur dhe prishur procesin zgjedhor përmes deklarimesh të pavërteta që në thelb synojnë të prishin procesin. Është shumë e rëndësishme që qytetarët e Dibrës të votojnë të qetë e të lirë për të vendosur si fitues atë kandidat që e konsiderojnë të duhurin për drejtimin e bashkisë”, thuhet në reagim e PS për situatën në Dibër.
Foto: Material propagandistik i denoncuar nga PS
