Një aksident i rëndë është regjistruar pasditen e sotme në Dibër.
Sipas njoftimit të policisë, një person ka humbur kontrollin dhe ka aksidentuar bashkëshorten e tij në oborrin e shtëpisë.
Si pasojë e dëmtimeve të marra, kjo shtetase ka humbur jetën.
Njoftimi i policisë:
Rreth orës 15:50, në fshatin Hotesh, shtetasi H.Ç., dyshohet se duke kthyer automjetin në oborrin e banesës së tij, ka humbur kontrollin dhe automjeti është batuar dhe ka rënë jashtë oborrit, ku aksidentalisht ka aksidentuar bashkëshorten e tij shtetasen A.Ç. Si pasojë e dëmtimeve të marra, kjo shtetase ka humbur jetën.
Grupi hetimor po punon për zbardhjen dhe sqarimin e rrethanave të ngjarjes.
