Pas ngjarjes së rëndë të ndodhur ditën e djeshme në Hercegnovi të Malit të Zi, autoritetet malazeze kanë vënë në pranga pesë shtetas të dyshuar.
Sipas News 24, përveç pesë të arrestuarve, janë shpallur në kërkim dhe 2 të tjerë të dyshuar.
Autoritetet malazeze bënë me dije se autorët janë me kombësi malazeze nga Hercegnovi.
Ndërkaq më herët është zbardhur dëshmia e dhënë në polici e njërit prej shqiptarëve të dhunuar në Malin e Zi, Klodian Meaj.
Shkodrani ka treguar detaje se si ka ndodhur ngjarja duke rrëfyer se kanë patur një flamur shqiptar në pasqyrën e automjetit me të cilin po udhëtonin.
Megjithatë Meaj thotë se nuk e di nëse u dhunuan për këtë arsye pasi makina është me targa gjermane dhe jo shqiptare.
