Policia e Shkodrës ka arrestuar një 65-vjeçar, pasi dhunonte vazhdimisht bashkëjetuesen e tij në prezencë të fëmijës së tyre të mitur.
Sipas uniformave blu mësohet përveç dhunës, i moshuari i ka kërcënuar të dy për jetën.
Pas kontrolleve në banesë policia ka sekuestruar një armë gjahu, që ky shtetas e posedonte pa leje.
“Shërbimet e Komisariatit të Policisë Shkodër, pas marrjes së njoftimit nga një shtetase, se bashkëjetuesi i saj e kishte dhunuar vazhdimisht dhe e kishte kanosur për jetën, kanë ndërhyrë menjëherë për kapjen e këtij shtetasi.
Si rezultat i veprimeve të shpejta, është arrestuar në flagrancë shtetasi shtetasi M.Gj. 65 vjeç.
Gjatë kontrollit në banesë, shërbimet e Policisë kanë gjetur dhe sekuestruar një armë gahu, që ky shtetas e mbante pa leje”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./Opinion.al
