Një çift të moshuarish janë dhunuar mbrëmjen e së hënës, në banesën e tyre në lagjen 15-të, në zonën e Spitallës, në Durrës.
Dy të moshuarit janë gjetur nga fqinjët të gjakosur, si pasojë e goditjeve në kokë dhe janë dërguar në gjendje të rëndë në spital.
Policia po heton mbi pistën e një grabitjeje të mundshme, por raportohet se në shtëpinë e të moshuarve nuk janë marrë as para dhe as flori si dhe nuk ka pasur rrëmujë.
Njoftimi i policisë
Rreth orës 19:35, në Urgjencën e Spitalit Rajonal Durrës kanë shkuar shtetasit B.Y., 70 vjeç dhe Th.Y., 70 vjeçe , banues në lagjen 15 Durrës, jashtë rrezikut për jetën, të cilët janë goditur me sende të forta nga dy persona të paidentifikuar. Ngjarja ka ndodhur në banesën e tyre në lagjen 15, ku autorët nuk kanë vjedhur asgjë. Grupi hetimor ndodhet në vendngjarje dhe po punon për sqarimin e rrethanave, identifikimin dhe kapjen e autorit/ëve./ Opinion.al
