Tre persona janë arrestuar vetëm në 24 orët e fundit në Tiranë në akuzën e dhunës në familje. Më konkretisht sipas policisë së kryeqytetit është arrestuar Selman Murati, 40 vjeç, pasi ka ushtruar dhunë fizike dhe psikologjike ndaj bashkëshortes, shtetases L.Murati, 37 vjeçe.
Në pranga ka rënë dhe Serjan Gojani, 25 vjeç, banues në Kasallë të Kamëzës, pasi ka ushtruar dhunë fizike dhe psikologjike ndaj kunatës së motrës së tij, A.P., 32 vjeçe. Ndërsa Albert Ismaili, 42 vjeç, banues në fshatin Picar të Vorës, ka kanosur me jetë dhe ushtruar dhunë fizike ndaj bashkëshortes, shtetases Dh.Ismaili, 35 vjeçe.
