Ka tre ditë që opinioni publik ka shfaqur shenja pendese dhe rebelizmi në lidhje me gjendjen e krijuar në derbin Tirana-Partizani në “Selman Stërmasi”.
Në rrjetet sociale është komentuar si barbarizëm dhe një mungesë e plotë kulture mbi atë që duhej të përfaqësonte kjo ndeshje, jo vetëm për sportdashësit, por edhe për mbarë qytetarët e Tiranës.
Mirëpo, nga disa të dhëna paraprake, bëhet me dije se kamerat e televizionit kombëtar Top Channel nuk kanë nxjerr filmimet e plota të ngjarjes në fjalë.
Sipas këtyre zërave, jo vetëm institucional, por edhe mediatik, mësohet se Top Channel ka censuruar pamjet e publikuara, si rrjedhojë e kësaj, nga panorama e përgjithshme është shfaqur veçse një pjesë e asaj që ndodhi, duke lënë plotësisht në errësirë anën tjetër të medaljes.
Në videon e mëposhtme, të publikuara nga mediat, vihet re një situatë tjetër dhe një këndvështrim i ndryshëm i asaj që ndodhi në derbin e Tiranës në “Selman Stërmasi”.
