Prokuroria e Tiranës ka nisur hetimet në lidhje me dhunën e ushtruar nga punonjësit e FNSH ndaj sekretarit organizativ në Partin Demokratike Sahit Dollapi, gjatë protestës së opozitës më 11 maj.
Mësohet se 8 punonjës të Forcave të Ndërhyrjes së Shpejtë janë marrë në pyetje nga Prokuroria në lidhje me ngjarjen ku mbeti i lënduar Dollapi.
Sekretari organizativ në Partin Demokratike pas dhunës, u shoqërua në ambientet e policisë dhe më pas në Spitalin e Traumës.
“Nga kqyrja e pamjeve vihet re një person civil, i identifikuar si Sahit Dollapi, i cili komunikon me një punonjës policie dhe më tej shkëputet nga ai dhe fillon të vrapojë. Pasi bën disa metra me vrap, rrëzohet në rrugë. Më tej, vërehet se një grup punonjësish policie, të veshur me pajisjet mbrojtëse, afrohen me vrap drejt Sahit Dollapit, tashmë i rrëzuar dhe e godasin me shkop gome disa herë. Pas këtij momenti, Sahit Dollapi ngrihet në këmbë i shoqëruar me një grup prej 7-8 punonjës policie të repartit FNSH”.
Ndërkohë, nën hetim do të jenë dhe ish-deputetët, Gazmend Bardhi, Flamur Noka dhe Gent Strazimiri.
Ish-deputetët akuzohen për organizmit dhe pjesëmarrjes në grumbullime e manifestime të paligjshme./ Opinion.al E.Xh.
