Pasi ka përfunduar protesta kryetari i Partisë Demokratike, Lulzim Basha, ka shkuar në spital ku ndodhet kryeredaktori i gazetës RD, Bledi Kasmi.
Basha u shpreh se dhuna ndaj Kasmit është një tregues më shumë se përse Fatmir Xhafaj nuk mund të jetë ministër i Brendshëm.
“Dhuna është treguesi më i mirë se policia është në shërbim të familjeve mafioze Xhafaj e Rama.
Bledi Kasmi ka dhjetë qepje në kokë sepse po bënte punën e tij si gazetar i RD, ndërkohë Agron Xhafaj u përcoll me fshehtësi për të shpëtuar lëkurën e Fatmir Xhafajt, që së bashku janë pjesëtarë të një familje, subjekt i ligjit antimafia.
Kjo është arsyeja se përse Xhafaj nuk mund të qëndrojë në krye të Ministrisë së Brendshme, pasi çdo moment ai mund të përbëjë rrezik për qytetarët dhe vendin.
Po ashtu, është emergjencë kombëtare largimi i njeriut që ia ka dorëzuar Ministrinë e Brendshme krimit.
Pa shkëputur lidhjet e krimit, Shqipëria nuk ka të ardhme dhe procesi i integrimit është i ndalur,” tha Basha.
“Ky është një rast flagrant i dhunës barbare policisë Xhafaj mbi një gazetar, mbi median, mbi kryeredaktorin e gazetës opozitare Rilindja Demokratike. Ishte një protestë paqësore e qetë evropiane qytetare dhe nuk pati për asnjë moment dhunë ndaj organeve të rendit. Dhuna e ushtruar ndaj Bledi Kasmit dhe ndaj protestueve të tjerë është treguesi më i mirë sesi polica është dhe do të jetë në shërbim të familjes mafioze të Xhafaj, të vëllezërve Xhafaj për sa kohë që Fatmir Xhafaj është ministër i Brendshëm.
Kuksianët janë akoma në burg, Bledi Kasmi është në spitalin ushtarak me 10 qepje pas një hemorragjie në kokë sepse po bënte punën e tij si gazetar i Rilindjes Demokratike, gazetës së Partisë Demokratike. Ndërkohë që Agron Xhafaj u përcoll me nderime, në fshehtësi të plotë vetëm e vetëm që ti shpëtonte hetimit kriminal në Shqipëri, për veprën penale të krimit të organizuar të trafikut të drogës në Vlorë dhe vetëm e vetëm që të shpëtonte lëkurën e Fatmir Xhafajt i cili së bashku me vëllain e tij Agron Xhafajn janë pjestarë të një familje subjekt i ligjit antuimafia.
Kjo është arsyeja përse Fatmir Xhafaj nuk mund të rrijë asnjë sekondë në krye të Ministrisë së Brendshme. Në çdo moment që ai qëndron në krye të Ministrisë së Brendshme ai është një rrezik kombëtar, një rrezik për sigurinë e çdo qytetari, të prndërve të gazetarëve, të fëmijë. Çdo sekond që ai vazhdon të jetë Ministër i Brendshëm qyetarët e thjeshtë e të pambrojtur do të keqtrajtohen nga policia Xhafaj nën urdhërat e tij.
Ndërkohë që kriminelët me në krye Fatmir Xhafajn do të vazhdojnë të mbrohen. Ndaj largimi një orë e më parë i Fatmir Xhafajt është një imperativ i kapërcyeshëm, i padiskutueshëm dhe jo thjeshte e vetëm për opozitën por për sigurinë e qytetarëve, gazetarëve, të prindërve. Largimi i tij është emergjencë kombëtare. Natyrisht përgjegjësi kryesor për Fatmir Xhafaj, vëllain e mafiozit trafikant droge është i njëjti që vuri Fatmir Xhafaj në karrigen e Ministrit të Brendshëm, që vuri dhe reklamoi për 4 vite si ministrin më të suksesshëm, ministrin e drogës, është i njëjti që mbrojti me mish e me shpirt përdhunuesi dhe trafikatin e drogës Elvis Roshin, trafikantët e grave dhe vajzave shqiptare e të drogës duke filluar nga Arben Ndoka, Armando Prenda, Mark Frroku e kështu me rradhë.
Është emergjencë kombëtare jo thjeshte një objekt opozitare për sigurinë e çdo shqiptari, largimi i menjëhershëm i Fatmir Xhafaj. Po ashtu edhe largimi i njeriut që ia ka dorëzuar Ministrinë e Brendshme krimit dhe trafikantëve të drogës. Pa shkëputur lidhjet e krimit me qeverinë për Shqipërinë nuk ka të ardhme dhe procesi i integrimit europian është i stokuar, dhe i rrezikuar. Fatmir Xhafaj duhej të dorëhiqej menjëherë por sot ai duhet të largohet me çdo kusht dhe çdo mjet”.
/opinion.al
