Asgjë nuk e vret më shumë jetën tuaj seksuale, sesa ta kryesh aktin gjithnjë në të njëjtin vend. Për shumicën e çifteve, ky vend është dhoma e gjumit, ndërsa si alternativë e dytë e sprovuar është divani i butë në dhomën e pritjes.
Problemi qëndron se truri ynë tenton për nga eksperiencat e reja. Një studim i kryer së fundi tregon se, 85 për qind e partnerëve do të donin, pa e marrë vesh partneri apo partnerja, që të kryenin marrëdhënie seksuale diku tjetër. Megjithatë, gjëja më e mirë është që këtë gjë të mos e shprehni për sondazhe, por t’ia thoni në sy partnerit apo partneres tuaj.
Një tjetër sondazh zbuloi se, 92 për qind e çifteve që kanë eksperimentuar me seksin në natyrë, janë shprehur se ky veprim ua ka ndryshuar me 100% jetën seksuale atyre. Gjë që do të thotë se e kanë shijuar së tepërmi.
Por, cilat janë vendet më të mira për t’u guxuar diçka e tillë? Ja përgjigjja e ekspertëve…
Së pari, provojeni në dush
Nuk ka asgjë më të lehtë dhe të ndjeshme sesa të futeni në dush së bashku. E teksa uji derdhet mbi trupat tuaj, me kënaqësi përpiqeni të ledhatoni trupat e njëri-tjetrit, të kujdeseni për pjesët më të ndjeshme dhe në momentin final të qëndroni në një pozicion perfekt, mbështetur pas mureve të tualetit. E pas kësaj, pasi të jeni tharë mund të vijoni edhe në shtrat…
Së dyti, miqtë tuaj nuk kanë përse ta dinë
Keni në plan të shkoni në “party”-n e ndonjë shoku/shoqeje? Në rregull. Teksa ai apo ajo feston ditëlindjen e tij/saj, apo ndoshta ndonjë promovim në punë, atëherë ju mund të tentoni të keni një “party” tuajën, tërësisht më vete. Drejtojuni tualeteve për diçka të paparashikuar, por mbajeni sekret, mos e ndani me ata që presin nga ana tjetër e festës.
Së treti, provojeni gjatë një pikniku në vende piktoreske
Kushdo e ka të nevojshme të dalë, sado rrallë, në ambiente të hapura dhe të marrë me vete atë copën e çarçafit apo kuvertës që hidhet mbi bar për t’u ulur e soditur natyrën. Ndaj, nëse jeni të bindur që keni zgjedhur ambientin ideal, larg zhurmave dhe personave të tjerë, provoni të ndryshoni sërish diçka. Tashmë me ardhjen e verës është edhe koha perfekte për të dalë në shëtitje të tilla me fund erotik.
Së katërti, zgjidhni ndonjë hotel të përshtatshëm pushimesh
Ndoshta nuk mund ta keni gjendjen e mirë financiare, por të gjithëve iu ka rastisur të paktën një herë që të keni shkuar me pushime larg vendbanimit tuaj. Sigurisht duke prenotuar ndonjë hotel, ose në rastin më minimal, një shtëpi pushimi me kosto më të ulët. E në orët e vona të natës, atëherë kur nuk keni gjumë, përse të mos e tentoni një marrëdhënie me partnerin apo partneren tuaj? Një gjë e tillë nën dritën e yjeve është fantastike.
Së pesti, e vështirë kjo sepse duket të keni kopësht në shtëpi
Nëse jeni me fat të keni një shtëpi private me kopësht të gjelbëruar, atëherë shfrytëzojeni siç duhet atë. Gjeni një vend të fshehtë diku rrotull dhe shijoni marrëdhëniet “në heshtje”, teksa fqinjët tuaj kalojnë pranë e sërish nuk do të mund t’iu vërejnë se ç’po bëni. Kjo ndienjë do t’iu bëjë të ndieni edhe më shumë rrahjet e zemrës.
Së fundi, të punuarit vonë ka surprizat e veta
Shumëkujt mund t’i ketë ndodhur të qëndrojë më gjatë se ç’duhet në punë, apo të jetë i fundit që largohet prej saj. Çfarë të bëni? Telefonojini partnerit apo partneres t’iu bashkohet. Futeni në dhomën e takimeve apo në sallën kryesore të stafit për një eksperiencë të shpejtë dhe “dinake”. Shijojeni këtë moment, pasi do t’iu sigurojë të fantazoni më shumë në vendin tuaj të punës, duke e bërë më pak të bezdisshme në ditët e ardhshme.
Kujdes! Një gjë mos e harroni: mos shkelni kurrë ligjet e mirësjelljes në publik. Edhe nëse dilni në ambiente të hapura, kujdesuni se mos dikush e kthen vëmendjen pikërisht ndaj jush.
